असो तुला देवा । माझा सदा नमस्कार ।
तुझ्या दया-मातृत्वाला अंत नाही पार ।
तुझ्या कृपेने रे होतिल फुले फत्तराची
तुझ्या कृपेने रे होतिल मोती मृत्तिकेची
तुझ्या कृपेने रे होतिल सर्व रम्य हार
असो तुला देवा । माझा सदा नमस्कार ॥
तुझ्या कृपेने रे होईल उषा त्या निशेची
तुझ्या कृपेने रे होईल सुधा त्या विषाची
तुझ्या कृपेने रे होईल पंगु सिंधुपार
असो तुला देवा । माझा सदा नमस्कार ॥
तुझ्या कृपासिंधू मधला बिंदू जरी मिळेल
तरी प्रभो! शतजन्माची मतृषा शमेल
तुझे म्हणुनन आलो राया । बघत बघत दार
असो तुला देवा । माझा सदा नमस्कार ॥
- साने गुरुजी
कोणत्याही टिप्पण्‍या नाहीत:
टिप्पणी पोस्ट करा